Þula Katrín Helgu- og Þórðardóttir

2007-12-21T13:56:00.000Z

Þessar tvær óska gleðilegra jóla...

2007-08-09T17:12:00.000Z

Söguhetjan varð stór systir á þeim herrans degi 7. ágúst 2007. Hér gefur á að líta myndir af fyrsta fundi systranna, miðvikudaginn 8. ágúst.

... mæðgurnar allar þrjár:

2007-07-20T23:34:00.000Z

Fyrsta heimsóknin til tannlæknis var farin miðvikudaginn 18. júlí og söguhetjan stóð sig með prýði eins og meðfylgjandi myndir sýna:

Stolt með afa að glæsilegri frammistöðu lokinni:

2007-07-20T22:43:00.000Z

Þula Katrín byrjaði leikskólafríið sitt á því að fara í sumarbústað í Miðhúsaskógi.

Þegar von var á afa og ömmu úr Mosó í heimsókn þurfti daman að leggja sitt af mörkum við kökubakstur: Smá tími gafst þó fyrir sólbað með magastóru mömmunni

Og göngutúr með pápa gamla

Hér eru langmæðgurnar að rýna saman á flugdreka sem sveimaði yfir trjátoppunum

Daginn eftir, mánudaginn 9. júlí, rakst frökenin á þessa æsispennandi vinnuvél og mátaði sig aðeins í hana...

Fékk líka að taka myndir á flottu myndavélina hennar föðursystur sinnar

Hér eru svo tvær myndir úr heita pottinum sem var mikið notaður. Þula Katrín tók bláu höndina algerlega í sína þjónustu. Afi Siggi Hreiðar tók myndirnar.

2007-06-24T20:26:00.000Z

Stytturnar í grasagarðinum bjóða upp á ýmsa möguleika.
Frænkurnar, laugardaginn 23. júní 2007. Potturinn á Langholtsvegi er líka endalaus uppspretta skemmtileika

2007-06-13T19:42:00.000Z

Söguhetjan lenti í þeim hremmingum að fara úr olnbogalið (hægri) í lok ættarmóts Hjaltested-klansins. Brunað var með sjúklinginn til borgarinnar og beint á Slysó. Hér gefur á að líta einkar dramatískt augnablik, á leiðinni í röntgen (áður en ljóst var að meinið var bara í liðnum).

2007-06-02T12:11:00.000Z

Hvað er meira viðeigandi í slagviðrinu en að skella sér á vorhátíð leikskólans?

2007-05-27T09:39:00.000Z

Þar sem litla systir er ekki svo forfrömuð enn að hún hafi fengið sína eigin myndasíðu á netinu þá fær hún afnot af slóðinni hennar stóru systur til að byrja með. En hvað er hægt að segja, annars... nema bara alveg eins og mamma sín...

Aðeins að brosa

... og aðeins að kíkja:

2007-05-08T12:04:00.000Z

Í sveitaferð með pápa, 7. maí 2007

2007-02-09T22:11:00.000Z

Límmiðadútl í Hlíðartúni Þorstanum svalað, á sama stað
Þarna undi djásnið sér lengi dags, aleitt
- með litla dúkku (sem er falin í kjöltunni á þessari mynd)

Skóhorn gerir listina að klæð sig í skó ólíkt skemmtilegri

Ávallt pen...

Vatn bragðast víst betur beint úr krananum...

2007-02-08T19:56:00.000Z

Dagurinn byrjaði á símtali til pabba til að tryggja að litla barnið fengi örugglega jafn mikið og jafn fínt dót og stóra systir þegar pabbi kæmi heim frá útlöndum. 12 tímum síðar var daman í eiturstuði eftir skemmtiheimsókn í Hlíðartún
Og heitasta sportið þessa dagana er að fá að bæla sig í stóra rúminu

2007-02-07T22:42:00.000Z

Þessi dagur byrjaði á sturtunni...

Hér er daman að klæða sig í skóna, á leiðinni á leikskólann

Svo kemur smá syrpa úr Hreyfilandi.

Dugleg að fara í kollhnís...!

Góð í jafnvæginu...

Þetta rör hefur langa sögu að segja

Tilraun til að taka artí fartí lokamynd... doltið á ská (sem er bara meira artí fartí, náttúrlega)

2007-02-06T22:17:00.000Z

Suma daga er úr minna myndefni að moða en aðra.

Eftir leikskóla fór Þula Katrín með mömmu sinni að hitta kennara við KHÍ vegna heimildaöflunar. Þulu fannst það mjög gaman, enda tókst henni að fá viðkomandi fræðimann í eltingaleik við sig. Hér er hún í lyftunni á leiðinni niður aftur, eftir heimsóknina, sem var uppi á 5tu hæð.

Svo fóru Þula Katrín og mútter í heimsókn til skólavinkonu síðarnefndrar, hvar Þula Katrín hitti unga snót sem verður 4ra ára á morgun. Því miður náðist ekki mynd af þeim saman, en hér er Þula Katrín að kveðja.

2007-02-05T23:03:00.000Z

„Hvað þýðir SÍS“? Gosi á dag kemur skapinu í lag
Lesstund fyrir háttinn
Önnur af tveimur uppáhaldsbókum þessa dagana fjallar um meðgöngu (hin um riddara)

2007-02-04T21:30:00.000Z

Sunnudagur til sælu.

Morgunstund með Albin í sófanum Tilraun til að tappa af orku...
Æfing fyrir skautaferð

Fyrstu skautaskrefin...

... upp á eigin spítur (nei, ekki með ý-i)

Og smá galsi eftir kvöldbaðið

2007-02-03T22:22:00.000Z

Þula Katrín eyddi deginum að mestu leyti á Langholtsvegi og mömmunni láðist að taka myndavélina með. Missti því af mörgum góðum skotum, t.d. í sandkassanum í snjónum og gönguferð með afa út í búð og fleiru.

Hér eru nokkur skot af skottinu heima undir kvöld:

2007-02-02T21:03:00.000Z

Djásnið fór loks á leikskólann í dag. Nokkrar myndir frá því eftir leikskóla:

Fyrst: ,,Reyndu bara að kitla mig"

Svo þarf aðeins að hafa sig til með smá lím-eyrnalokkum

Hér má sjá brot úr hundraðogsjötugustu uppfærslu dramatíska leikverksins Þegar Þula Katrín var tveggja ára og var að róla sér í vagninum og datt og það kom blóð. Hér má sjá aðalleikkonuna í einu af mestu átakaatriðum verksins.

Og svo var komin legóstund

2007-02-01T23:38:00.000Z

Annar heimaveikindadagur.

Hér er verið að búa til ,,afmælishring".

Og hér er bara verið að skottast í eldhúsinu.

Gólfpúslið heillar alltaf.

Svo er heimasætan liðtæk í bakstrinum.

Eftir langan dag þarf að baða sig vandlega.

Og ekki má gleyma að blása hárið.

Og greiða vel...

... mjög vel.

2007-01-31T22:36:00.000Z

Veik heima. Viðfangsefni dagsins: Kubbar, púsl, legó og Gosi (eitthvað fleira kannski sem ekki náðist mynd af). Svo þarf að þvo hendur og fés og svona fyrir háttinn (Blogger er með stæla í dag og því er ekki hægt að setja texta við hverja mynd).

2007-01-30T22:17:00.000Z

Kubbakúnstir

Kubbaborg og krummaskítsritúal

Namm - hamborgari...

2007-01-29T22:45:00.000Z

Mánudagur hjá djásninu (29-01-07) Perlun krefst vissulega einbeitingar

Óvæntur pakki...

... sem reyndist innihalda heldur ófrýnilega kónguló

Nokkur lauflétt dansspor...

Og sætið góða

2007-01-28T22:22:00.000Z

MYNDIR DAGSINS

Svöng, dösuð og dálítið úrill eftir sundið - í góðum höndum í Hlíðartúni
Þula Katrín sem móðir og Þöll sem barn

Fyrsti dagblundurinn (án hita) í heilt ár - annað kom bara ekki til greina...

2007-01-27T20:57:00.000Z

Loksins ró... eftir erfiðan dag (27.01.07)

2007-01-27T20:49:00.000Z

Playmo-læknir hugar að veiku barni (26-01-07)

2007-01-27T20:12:00.000Z

Þula Katrín hefur fram til þessu setið ein að þessari vefsíðu, sem og allri heimsins athygli. En engin sæla varir að eylífu...

... svona byrjaði þetta (29.11. 2006):

Og svona leit þetta út við 12 vikur (23.01. 2007):

Áhugasömum um ómskoðanir er sérstaklega bent á dökkan díl á miðjum búk á neðstu mynd - það er fullur magi af legvatni (namm...) og svo dekkri díl hægra megin ögn neðar, það er full blaðra af legvatni, tilbúið til pissunar...

2007-01-19T23:27:00.000Z

19. janúar 2007 verður minnst sem dagsins sem Þula Katrín fékk fyrstu gleraugun sín.

Fyrst starði hún agndofa í kringum sig og stundi svo ,,ég sé meira... fallegt". Svo fór hún að snúa sér í hringi... alveg í sínum eigin heimi (áhugasömum stendur til boða að sjá upplifunina á vídeói...)

Að uppgötva og uppgötva... 19. janúar

Helgina 5. - 7. janúar var Þula Katrín með pabba, mömmu, afa, ömmu, Sveinlaugu og Guðjóni í Vestmannaeyjum. Myndir skoðist að neðan og upp...

Búin á því í bílnum á leiðinni heim, 7. janúar

Pæjan nýtur stjörnuljóss í Þrettándagöngunni með pabba og ömmu

Tröllaskoðun með afa

Í pottinum með ömmu (og pabba og Sveinlaugu), 6. janúar

Í pottinum með mömmu á föstudagskvöldið, 5. janúar

2006-11-27T20:26:00.000Z

Til að bloggsíða Þulu Katrínar deyji ekki alveg út hefur nefndin (sem er snilldarlega skipuð einungis einum nefndarmanni sem auðveldar mjög ákvarðanatöku hvers konar) ákveðið að falla frá áformum um sögulega upprifjun frá því í ágúst og einbeita sér að líðandi stundu.

Föstudaginn 24. nóvember fór Þula Katrín í kynnisferð í Húsdýragarðinn þar sem hún lét tvær dúsur af hendi.

Sunnudaginn 26. nóvember var skrefið stigið til fulls og hinar dúsurnar látnar fjúka líka.

Í bílnum með fjórar dúsur, tilbúnar til afhendingar.

Smá lokasmakk...

Með pápa að ganga leiðina löngu...

Kveðjukoss

En svo er þetta nú bara gaman!

Síðasti séns til að virða dýrðina fyrir sér.

Svo þurfti aðeins að klappa kusu

Svona leið mömmunni sem sá fram á erfiða tíma án stjórntækisins góða...

En pabbinn varð harður í horn að taka og sló fram frösum á borð við ,,Svona er nú bara lífið" og ,,Hún er orðin alveg nógu stór"...

Sjálf var Þulan blessunarlega laus við áhyggjur, enda hafði hún öðrum hnöppum að hneppa.

Framhald sögunnar er svo á þá leið að erfðaprinsessan átti ekki í neinum vandræðum með að sofna dúsulaus þá um kvöldið. Hins vegar vaknaði hún klukkan 4.30 um morguninn. Á þeim tíma er hún vön að grípa til dúsunnar og sofa svo vært í drjúga stund í viðbót. Þegar engin var dúsan krafðist hún tafarlausrar umönnunar og athygli og þurfti til dæmis að pissa, fá vatn að drekka, kúka, ræða málin og að sjálfsögðu að fá heilmikið knús.

Foreldrarnir gerðu allt sem í þeirra valdi stóð til að senda sílið aftur inn í draumalandið en þrátt fyrir ágætan samvinnuvilja af sílisins hálfu varð þeim ekki kápan úr því klæðinu. Því fór svo að lokum að foreldrarnir skiptu morgninum í tvær vaktir, til að fá hvort um sig smá blund í viðbót.

Barninum kom ekki blundur á brá í allan dag. Nú nú er að skella á önnur nótt, erfðaprinsessan sofnuð og hrýtur sem engill en foreldrarnir eru ekkert spenntir fyrir öðrum snemm-morgni...

2006-11-14T16:58:00.000Z

Rúsínufrænkur 18. ágúst 2006:

2006-09-07T09:56:00.000Z

Lítill tími til uppfærslna núna. En þessi mynd er á síðunni hjá ljósmyndaranum:

Það liggur við að dyrnar hans Snorra séu að verða þema þessarar myndasíðu...

2006-08-17T11:33:00.000Z

Ágæt vika hjá Þulunni - lúxus að vera í sumarfríi.

Sunnudagur 13. ágúst:

Þulan litla og Guðjón stóri við Logaland

,,Slepptu mér!" Ekkert hrifnari af vígslumanninum Guðmundi nú en þegar hún var 2ja mánaða...

Smá móment af einkakátínu

Mánudagur 14. ágúst

Að túristast í Reykjavík (með alvöru útlenskum brúðkaupsgestum)

Þriðjudagur 15. ágúst

Svo höfðu mamman og Þulan almennt nóg að gera.

Mæðgurnar teiknuðu pabbann á stéttina fyrir utan heimilið. Sjáið sérstaklega hinar stórkostlegu lappir sem Þula Katrín hannaði og framkvæmdi alveg sjálf.

Þula lagfærði hárið aðeins.

Svo verða allir pabbar að hafa hendur líka.

2006-08-12T22:03:00.000Z

Myndavélin á sínum stað en voða mikið að gera.

ÞRIÐJUDAGUR (10. ágúst): Í bæjarferð með pápa
Pabbinn efndi gamalt loforð og splæsti í dúkkukerru og dúkku handa einkadótturinni sem var að vonum kát.

MIÐVIKUDAGUR (9. ágúst): Í Hreyfilandi

2006-08-12T21:40:00.000Z

MIÐVIKUDAGUR (9. ágúst): Í bílnum á leiðinni heim.

FIMMTUDAGUR (10. ágúst): Hjá mömmu að máta kórónu.
Um skreytinguna á kórónunni: Grænu láréttu strikin voru teiknuð lóðrétt og eru „I“. Táknið þar fyrir neðan sem lítur út eins og „V“ á hlið er „plat-S“.

2006-08-03T22:27:00.000Z

Myndavélin er enn fjarri en þessar tók móðursystirin við kjörið tækifæri í dag:

2006-08-02T22:46:00.000Z

Uppfærsluskortur stafar af því að myndavélin varð eftir í steggjapartíi í Breiðholti. Því er lítið hægt að festa athafnir blómarósarinnar á pixla þessa dagana. Eftirfarandi var þó tekið á síma pabbans á sunnudagsmorguninn (30. júlí):

Mamman og Þulan gerðu nýja tegund af nammi, sem Þulan fékk að nefna sjálf - útkoman varð nýyrðið maní-kúlur og eins og sjá má voru þær einkar gómsætar strax á vinnslustigi...

Hér er daman búin að finna sig sem Maníkúluskrímslið ógurlega...

En allt gaman er úti um síðir og þá þarf að þvo sér vel og vendilega.

2006-07-25T21:43:00.000Z

Fasta áskrifendur er náttúrlega farið að lengja eftir uppfærslum... ?!

Nýjustu fréttir - Þulan fékk klippingu í gær (mán.). Nú sér hún útundan toppnum. Reyndar þurfti að ljúka snyrtingunni eftir að hún var sofnuð þar eð henni ofbauð snurfusið.

Og svo önnur mæðgnamynd af því að mamman var að prófa doldið trikk í fótósjopp - verðlaun til þeirra sem fatta (thíhí)...

Svo fékk Þula Katrín 2 nýjar dúsur í dag og þóttist rík...

... föður hennar fannst þetta líka sniðugt...

2006-07-21T18:22:00.000Z

Í dag fór daman á leikskólann eftir viku hlé. Svona var ástandið eftir heilan dag af leikskólaviðfangsefnum:

Í gær (20. júlí) var síðasti ,,veik-heima"-dagurinn í bili. Þulan sat þó ekki inni við í blíðunni heldur fór í borgarferð með pápa sínum.

Sem efnilegt módel í auglýsingabækling...

Skyggnst inn í fortíðina

Extreme close-up

Svo var víst aðeins komið við á Langó líka

2006-07-19T20:09:00.000Z

Á þriðjudeginum var Þula Katrín aftur með hita - en engar myndir voru teknar þann dag til að viðhalda vefdagbókinni (reyndar tók pabbi hennar undurfagrar sólarlagsmyndir þá um kvöldið sem sýndar verða á öðrum vettvangi).

Á miðvikudeginum gátu mæðgurnar ekki hugsað sér að hanga innandyra svo að þær héldu í Hlíðartún, til afa og ömmu. Eftir mikið mas tókst að koma hér inn nokkrum myndum af athöfnum dagsins.

Áhyggjufullum ættingjum skal þó bent á að nýbúið-að-vera-lasið barnið er klætt í eftirfarandi:

Að ofan - nærbol, bómullarkjól, stuttermabol og prjónavesti
Að neðan - nærbrók, bómullarsokkabuxur og gúmmítúttur

Að auki var hitastig 17°c í skugga, vindstig 0 og sól mikil. Engum varð kalt. Ok!??!

2006-07-19T19:42:00.000Z

Þula Katrín reyndist liðtæk í þvottaupphengingum með ömmu sinni

Rennibrautin rokkar

Afi leyfði Þulunni að sitja ofan á heysátunni í hjólbörunum (hún launaði honum með því að henda heyi yfir hausinn á honum)

Eftir heimkomu, bað og staðgóðan kvöldverð var ekki meiri orka eftir (kl. 19.00, 19. júlí 2006)

2006-07-17T16:05:00.000Z

Þriðji dagur í veikindum og allt á réttri leið. Sýnishorn af nokkrum athöfnum dagsins - nokkurn veginn í réttri röð...

2006-07-16T23:12:00.000Z

Annar dagur í veikindum... 16. júlí

2006-07-15T21:32:00.000Z

Með 39,6 °c - 15. júlí 2006.
Setning dagsins var ,,Mamma, viltu láta mér líða betra!"

2006-07-14T09:35:00.000Z

Það krefst þolinmæði að bíða eftir afmælisvöfflum. Afmæli hjá Þöll 12. júlí 2006

Sólbrúna föðursystirin Sveinlaug kom með skemmtilegar gjafir frá útlöndum - 10. júlí 2006

2006-07-09T22:48:00.000Z

Af því að netið er viðsjárvert er þessi mynd lauslega ,,ritskoðuð" en sýnir samt ágætlega hvað það er gaman að skottast á trambólíni á góðum degi... 9. júlí 2006

Ekkert svo leiðinlegt í heita pottinum á Langholtsvegi 175 - 9. júlí 2006

...

Pabbi hjálpar í skó - 7. júlí 2006

2006-07-09T22:28:00.000Z

Litla grænmetisætan tætir í sig kál - 6. júlí 2006

2006-07-06T20:16:00.000Z

Sátt í baði á miðvikudagskvöldi (5. júlí 2006)

Handklæðaálfur>>>

...

Eftir leikskólann daginn eftir: Þegar búið er að flysja utan af barninu nokkur lög af sandmettuðum fötum og dusta eftir bestu getu kemur í ljós að innst er sandlag sem er svo að segja gróið inn í húðina...

Og svona bregst konan við þegar móðir hennar reynir að bursta það mesta af með þurrum þvottapoka

Og ein af Baldri bara af því hann er svo fótógenískur, 2. júlí 2006 (að horfa á frænku sína?).

2006-06-27T22:09:00.000Z

Hópmynd af skrítnu fjölskyldunni í hádegismat á Selfossi

Súpueldamennska á Hellu

,,Farðu frá" sagði fyrirsætan hneyksluð þegar ljósmyndarinn plantaði sér mitt á akstursleið hennar til að ná þessu skoti

Síðasti séns að hoppa í hótelrúmi - Hellu 18. júní

Hér voru foreldrarnir að rembast við að endurtaka verðlaunamyndina frá því í fyrra. Þula Katrín var svolítið gáttuð á því að eiga að liggja endalaust á maganum á meðan smellt var af í gríð og erg.

Móðurfjallið klifið við Jökulsárlón

Það er bara eitthvað ómótstæðilegt við samsetninguna steinar + vatn

Hæ hó jibbí jei og allt það - 17. júní við rætur Vatnajökuls (innanhúss, reyndar)

Yndislegt stopp með pabba við ljúfan læk...

Beðið eftir frönskum á bensínstöð á Egilsstöðum, 16. júní

2006-06-26T23:46:00.000Z

Pabbastelpa á Egilsstöðum - 15. júní

2006-06-26T20:10:00.000Z

Klósettstund á Valaskjálf, Egilsstöðum, 15. júní

2006-06-15T21:56:00.000Z

Þar kom að því að Lagarfljótsormurinn mætti ofjarli sínum.

Þula Katrín eignaðist vin á Hallormsstað. Hann hét Dúi (reyndist aðeins 6 mánuðum eldri) og vildi gjarnan halda í hendina á henni í ruggubátnum. Það vildi Þula ekki (skemmti sér samt vel í félagsskap herrans). Þessi mynd, sú á undan og þær tvær næstu voru teknar í blíðunni í dag, fimmtudaginn 15. júní.

Sumir þurfa meira en 18 gráður og flennisólskin í heilan dag til þess að fást til að taka niður húfuna...

... nema kannski rétt á meðan smellt er af pæjumynd.

2006-06-15T21:53:00.000Z

Ómögulegt að hafa sólina í augun.

Hér er Þulan í bílnum á leiðinni frá Egilstöðum til Hallormsstaðar (miðvikudag, 14. júní 2006).

2006-06-15T21:42:00.000Z

Þegar maður er lasinn í ferðalagi má finna sér ýmislegt til dundurs.

Maður getur til dæmis gætt sér á rófu (í spegli).

Eða kíkt í snyrtitösku móður sinnar...

... já, eða pabba síns...

... jafnvel kíkt í nýbygginguna (við Fosshótel Húsavík) með pabba...

... eða bara kíkt á útsýnið og andað svolítið á rúðuna.

2006-06-15T21:40:00.000Z

Að sjálfsögðu þurfti Þula Katrín að bregða sér í nýlenduvöruverslun Húsavíkur; Kaskó, á meðan á opinberri heimsókn hennar þangað stóð

2006-06-15T21:35:00.000Z

Á þessari mynd gefur á að líta ,,vont tröll", segir Þula Katrín

Þulan í röri (Húsavík, 12. júní 2006)

2006-06-13T12:22:00.000Z

Í akkúrat passlegum húsvískum klifurkastala

Í húsvískum sandkassa

2006-06-13T12:17:00.000Z

Í heimsókn hjá Ragnhildi Sól frænku á Akureyri - á meðan allt lék í lyndi...

2006-06-13T04:24:00.000Z

Að passa innanklæða ,,möndlubarn" á Fosshóteli Áningu, Sauðárkróki (sunnudag).

Leiðin frá Sauðákróki til Akureyrar er ansi löng - gott að geta hlustað á góða tónlist og leikið sér með límmiðabók í bílnum.

2006-06-11T14:13:00.000Z

Hádegisverður úr skottinu (lúxus að vera á steisjon!) í Staðarskála. Mjamm...

2006-06-11T14:02:00.000Z

Þulan í Reykholti, 10. júní 2006

Þula Katrín var sérdeilis hrifin af dyrunum hans Snorra í Reykholti

2004-04-19T20:19:00.000Z

MYNDIR